ყურადღება!! საგრანტო პროექტი

მოგესალმებით, ქალბატონებო და ბატონებო!
მსოფლიოში ახალი კორონავირუსის (COVID-19) ფართოდ გავრცელების შედაგად შექმნილმა ვითარებამ განსაკუთრებული სირთულეების წინაშე დააყენა საზღვარგარეთ მყოფი საქართველოს მოქალაქეები. ხელისუფლება ძალისხმევას არ იშურებს, რათა მინიმუმამდე იქნას დაყვანილი პანდემიით გამოწვეული ნეგატიური შედეგების გავლენა საზღვარგარეთ მყოფ ჩვენს მოქალაქეებზე. აღნიშნულის გათვალისწინებით, საგარეო საქმეთა სამინისტრომ გადაწყვეტილება მიიღო კონკურსის წესით, „დიასპორული ინიციატივების ხელშეწყობის“ პროგრამის ფარგლებში, დააფინანსოს საზღვარგარეთ მცხოვრები საქართველოს მოქალაქეების პროექტები, რომლის მიზანია ახალი კორონავირუსის (COVID-19) გავრცელების შედეგად შექმნილი კრიზისული ვითარების შემდგომ (პოსტკრიზისულ) პერიოდში უცხოეთში მყოფი საქართველოს მოქალაქეების და მათი ოჯახის წევრებისთვის დახმარების აღმოჩენა ცხოვრების სათანადო პირობების უზრუნველყოფის მიზნით, აგრეთვე, მოქმედი დიასპორული და ჩვენი თანამემამულეების მიერ დაფუძნებული ორგანიზაციების/გაერთიანებების ფუნქციონირებისთვის ხელშეწყობა. საგრანტო თანხის საერთო ოდენობა შეადგენს 750.000 ლარს და კონკურსში გამარჯვებულ თითოეულ კანდიდატს გადაეცემა თანხა არაუმეტეს 20.000 ლარის ოდენობით. საგრანტო განაცხადების წარმოდგენა შესაძლებელია 2020 წლის 20 მაისიდან 23 ივნისის ჩათვლით ელექტრონულად შემდეგ მისამართზე: grantebi@mfa.gov.ge
საგრანტო განაცხადისა და შესაბამისი დოკუმენტების მიღება, მითითებული ვადების გათვალისწინებით, განხორციელდება მხოლოდ ელექტრონულად.
გთხოვთ, შესაძლო მოკლე ვადებში უზრუნველეყოთ აღნიშნული ინფორმაციის ქართულ დიასპორაში გავრცელება.
დანართის სახით, გიგზავნით საგრანტო პროგრამის აღწერილობას, საგრანტო განაცხადისა და პროექტის ხარჯთაღრიცხვის ფორმებს.
საგრანტო პროგრამასთან დაკავშირებით დამატებითი ინფორმაციის მისაღებად, გთხოვთ მოგვმართოდ მითითებულ ნომერზე: 89221606333(ნუკრი) .